Көкшетаудың ұлымын...

Ақмола облыстық филармониясының әншісі Сәрсенбай Хасеновтың Наурыз мейрамы қарсаңында «Көкшетаудың ұлымын» атты шығармашылық кеші өтті.

17:43, 18 наурыз 2017   303

Ақмола облыстық филармониясының әншісі Сәрсенбай Хасеновтың Наурыз мейрамы қарсаңында «Көкшетаудың ұлымын» атты шығармашылық кеші өтті. Өнер кешінде халқымыздың көпке танымал музыкалық туындылары мен соңғы жылдарда ел ішінен жинақталған фольклорлық мұралар тыңдарманға ұсынылды.

Ақмола облыстық филармониясының әншісі – Сәрсенбай Хасенов көкшетаулық өнерсүйер қауымға жақсы таныс. Ол әрдайымын тың ізденістерімен, шебер орындаушылығымен ел ықыласына бөленіп келеді. Әншінің шығармашылық кеші  Наурыз мейрамы қарсаңында қазақ әніне шөліркеген тыңдарманға тамаша тару болды.

Мерекелік бағдарламада жыраулар, сал-серілер мұрасы тыңдарман назарына ұсынылды. Әнші бұл кеште Алашорданың 100 жылдығына орай арнайы тарту да дайындапты. Кеш иесінің ізденіп ел арасынан тапқан, еліміздің маңдайалды дәстүрлі орындаушыларынан үйренген Алаш қайраткерлерінің музыкалық мұрасы да шырқалды.

Кеш барысында көкшетаулық өнер ордалары, музыкалық білім беру мекемелерінің өкілдері де өнер көрсетті. Бастысы бабалар мұрасын көпшілік қауымға көзайым ету, - дейді кеш иесі.

Ауғанбек Манарбекұлы, Арман Балбергенов

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75