Орыс драма театры ерекше туынды дайындау үстінде

Ақмола облыстық орыс драма театры көрермендерін тағы бір жаңалықпен қуантпақ

17:32, 17 наурыз 2017   287

Ақмола облыстық орыс драма театры көрермендерін тағы бір жаңалықпен қуантпақ. Бұл жолғы туындының мазмұны ерекше.  "Жасаусыз қалыңдық " деп аталады. Көпшіліктің қызығушылығын тудырып  отырған шығарылым Александр Островский шығармасының  желісінен алынған караоке-мелодрама. Бір қызығы, жаңа қойылымға билеттер түгелдей сатылып кеткен. "Жасаусыз қалыңдық"  деп аталатын караоке- мелодрамасы  -  Якутия режиссері, Сергей Потапов және орыс драма театрының шығармашылық құрамы  бірлесе жазған  туынды.  Атақты қойылым әрбір оқушыға жете таныс, десе де сахнадағы үлгісі мүлдем бөлек.  

Сергей Потапов –  "Алтын перде" театрлық  сыйақысының лауреаты. Оның шығармашылығы Ресеймен, қоса Қазақстанға да жете таныс. Режиссердің бастамасымен  елімізде 4 спектакль көрермен назарына ұсынылуда.  Кезекті  "Жасаусыз қалыңдық "шығарылымы да көрермен көңілінен шығады деген сенім сол.  

Спектакльдің тағы бір ерекшелігі көрермен қауым әртістермен бірлесе отырып, сүйікті эстрадалық әндерін орындай алады. "Жасаусыз қалыңдық" туындысы 24 наурыз көрермен назарына ұсынылады. Бүгінде театрда  өкінішке орай бос орын жоқ.    

Раушан Сайлауқызы, Наталья Анфимова, Павел Соловьев

 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75