БАЛЫМ ІЗБАСАРОВАНЫҢ ЕҢБЕГІ КӨПКЕ ҮЛГІ!

Облыстық білім басқармасының жетекшісі Балым Сәбетқызы Ізбасарова 1983-ші жылы Целиноград педагогикалық институтын бітіргеннен кейін, өзінің еңбек жолын Атбасар ауылшаруашылығы техникумы комсомол комитетінің хатшысы қызметінен бастаған.

18:32, 13 шілде 2017   108

Облыстық білім басқармасының жетекшісі Балым Сәбетқызы Ізбасарова 1983-ші жылы Целиноград педагогикалық институтын бітіргеннен кейін, өзінің еңбек жолын Атбасар ауылшаруашылығы техникумы комсомол комитетінің хатшысы қызметінен бастаған.  Содан бері 34 жыл бойы мемлекеттік қызметте еңбек етті. Сандықтау, Бұланды, Целиноград аудандары әкімінің орынбасары лауазымында, кейіннен өңірдің білім беру саласында басқарма жетекшісі қызметтерін атқарды. Облыс әкімі Мәлік Мырзалин лауазымды тұлғаның Ақмола облысының дамуына қосқан үлесін айырықша атап өтті.

Мемлекеттік қызметтегі жемісті еңбегі үшін Балым Ізбасарова «Ерен еңбегі үшін» медалімен және «Қазақстан Республикасы білім беру саласының үздігі» төс белгісімен марапатталған. Өз кезегінде басқарма жетекшісі бүгінге дейін бірлесе жұмыс істеген әріптестеріне алғысын білдірді.

Жиын соңында аймақ басшысы Мәлік Мырзалин құрметті демалысқа шыққан басқарма жетекшісін мерейлі мерекесімен құттықтап, Алғыс хат табыстады.

Нұргүл Нұрбайқызы

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75