"ЭКСПО" ТАҢҒАЖАЙЫПТАРЫ ТАМСАНДЫРУДА

Көрмеге қызығушылық танытып, асыға жеткендердің бірі Қасымовтар отбасы.

19:56, 17 шілде 2017   53

Көрмеге қызығушылық танытып, асыға жеткендердің бірі Қасымовтар отбасы. Отағасы туризм саласында еңбек ететіндіктен, көрме тақырыбы  таңсық емес.  Алдымен  олар Сингапур елінің павильонына саяхат жасады. "Үлкен идеялардың шағын қаласы" деп аталатын бұл көрмеде экожүйені құру жөніндегі түрлі жобаларға, энергетика саласындағы тамаша туындыларға мультимедиялық саяхат жасауға болады. Тіпті, мұнда осы елдің тропикалық климатын сезіне аласыз.  Жерлестеріміздің келесі бағыты Латын Америкасының павильоны болды.

Жалпы Латын Америкасы дегенде ойымызға келетіні музыка, сериалдар, түрлі тағамдар, жағажай, күн астындағы алаңсыз өмір. Ал шын мәнінде энергияның негізгі жетістіктерінің барлығы осында. Бұл мемлекеттің құрамында 32  ел болса, соның 11 елі көрмеге өз туындыларын ала келген. Олар  Боливия, Гватемала, Гондурас, Доминикан, Коста Рика, Парагвай және Чили елдері. Мәселен, Чилиде электр энергиясы тегін. Ол үшін ақы төленбейді де. Ал вулкандарымен танымал Гватемала гидроэнергетика, күн, биомасса энергияларын қолданады.

Тек, баламалы энергия көздері ғана емес, көрме қарсаңында әр мемлекеттің тарихымен, мәдениетімен, ұлттық құныдылықтарымен танысуға мүмкіндік бар. Төрткүлі дүниені аузына қаратқан таңғажайып "ЭКСПО" көрмесі тартымдылығымен талайды тамсандыруда.

Раушан Сайлауқызы

 

 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75