Балғындарға арналған шарапатты шара

Наурыз мерекесі қарсаңында Ақмола облыстық кәсіпкерлер палатасы жанындағы іскер әйелдер кеңесі медициналық-әлеуметтік мекемесінің тәрбиеленушілеріне арналған қайырымдылық акциясын ұйымдастырды.

19:00, 18 наурыз 2017   242

Наурыз мерекесі қарсаңында Ақмола облыстық кәсіпкерлер палатасы жанындағы іскер әйелдер кеңесі медициналық-әлеуметтік мекемесінің тәрбиеленушілеріне арналған қайырымдылық акциясын ұйымдастырды.  Шарапатты шара шаһардағы  мейманханалардың бірінде өтті.  Онда балғындарға  мерекелік бағдарлама, қызықты қойылымдар ұсынылды.

Кәсіпкерлер қарбалас жұмысты қайырып қойып,  мүмкіндігі шектеулі балаларға мереке ұйымдастыруды жөн санапты. Бүгінгі кешке 20-ға жуық мүмкіндігі шектеулі жан қатысты. Кәсіпкерлердің бастамасымен ұйымдастырылған мұндай ізгі шара екі жылдан бері дәстүрге айналған.

Балғындар "Жас отан" жастар қанатының белсенділерімен қосылып ән айтты, би биледі, ойындар ойнады. Ұйымдастырушылардың айтуынша, олар бұл күнді ерекше асыға күткен.

Ұйымдастырушылар мұндай шаралар өзге де жандарға үлгі болса екен дейді. Себебі, мүмкіндігі шектеулі жандарға қашан да қолдау қажет. Олар қамқорлық пен сүйіспеншілікке зәру.   

Раушан Сайлауқызы, Наталья Анфимова,  Сабырбек Кулатайулы

 

 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75