ШҰҒЫЛ! 4 БАЛАНЫҢ АНАСЫ АТА-АНА ҚҰҚЫҒЫНАН АЙЫРЫЛДЫ Толығырақ

БӘЙТЕРЕКТЕЙ БӘЙКЕН АҒА!

16:23, 10 тамыз 2017

Жастайынан әкесінен айырылып, тағдырдың тауқыметін бастан өткерген.

Бәйкен Әшімұлы 1917-ші жылы дүниеге келді. Жастайынан әкесінен айырылып, тағдырдың тауқыметін бастан өткерген. Дегенмен, оған қарамастан, ол өзінің талабымен Қызылжардағы ауылшаруашылығы техникумын бітіреді. Кейіннен әскер қатарында болды. 1942-45-ші жылдары екінші дүниежүзілік соғысқа қатысады. Майдан шебінде жарақаттар алған. Соғыс аяқталғаннан кейін, елге оралып, халқы үшін қызмет атқарды. Өзінің мамандығы бойынша, алғашқы уақыттары ауылшаруашылығы саласында еңбек етіп, кейіннен Көкшетау облысының 2-ші хатшысы болған. Оның көзін көрген жандар адамдық қасиетінің жоғары болғанын айтады.

Бәйкен Әшімұлы Қазақ КСР Министрлер Кеңесін 14 жыл бойы басқарды. Сол уақыт ішінде  Қазақстанда үлкен өзгерістер орын алды. Өнеркәсіп, ауылшаруашылығы мен құрылыс салалары қарқынды дамыды. Медицина саласы да жандана түсті. Жаңа ғимараттар бой көтерді. Халықты толғандырған мәселелер біртіндеп шешімін тапты. Бәйкен Әшімов елімізде өндіріс ошақтарын салғызуға да елеулі еңбек сіңірді. Ардақты жанның халқына деген адалдығының нәтижесі болар, қазір Алматы қаласында Бәйкен ағаның атындағы мешіт, көше бар. Сонымен қатар, жақында ғана Солтүстік Қазақстан облысында ардақты азаматтың құрметіне ескерткіш ашылды.

Болат Жанәділов ағамыз Бәйкен Әшімовты соңғы рет 90 жылдығына арналған мерейтойда көрген. Астанадағы Күләш Бәйсейітова атындағы театры өткен шарада  Ел Президенті Нұрсұлтан Назарбаев оған «Отан» орденін таққан. Ал, Бәйкен Әшімов өз сөзінде Елбасымызға халқымыздың тағдырын аманаттап кеткен екен.

Қазақтың асыл азаматы, алып тұлға Бәйкен Әшімұлы Әшімов 2010-шы жылы 5-ші ақпанда 93 жасына қараған шағында дүниеден озды. Оның есімі, сіңірген еңбегі, жасаған жақсылығы мен асыл қасиеттері халық жадында мәңгіге қалды.

Нұргүл Нұрбайқызы

Тақырып бойынша материалдар

БОЛАШАҚ ҚҰТҚАРУШЫЛАР БОЗ КІЛЕМДЕ БЕЛДЕСТІ
12:56, 24 қазан 2017
БОЛАШАҚ ҚҰТҚАРУШЫЛАР БОЗ КІЛЕМДЕ БЕЛДЕСТІ
Толығырақ...

Танымал жаңалықтар

АУЫЛ ШАРУАШЫЛЫҒЫ КООПЕРАТИВТЕРІНІҢ  ТИІМДІЛІГІ
19:17, 17 қазан 2017
АУЫЛ ШАРУАШЫЛЫҒЫ КООПЕРАТИВТЕРІНІҢ ТИІМДІЛІГІ
Толығырақ...
БИЛЕР БИЛІГІ – ЕГЕМЕН ЕЛДІҢ СОТ ЖҮЙЕСІНІҢ НЕГІЗІ
21:08, 20 қазан 2017
БИЛЕР БИЛІГІ – ЕГЕМЕН ЕЛДІҢ СОТ ЖҮЙЕСІНІҢ НЕГІЗІ
Толығырақ...