ШҰҒЫЛ! ҰЛТТЫҚ КЛАССИКА ЖАУҺАРЫ САХНАЛАНДЫ Толығырақ

ЕКПЕ - ТҮРЛІ ДЕРТТЕН САҚТАЙДЫ!

17:07, 11 қаңтар 2018

Балаға екпе салғызбайтындардың қатары жыл санап артып келеді. Мәселен, бала туғаннан кейін қойылатын БЦЖ екпесінен бас тартқан ата-ана саны-2016 жылы алтау болса, 2017 жылы 26-ға жеткен. Ал, жалпы вакцинация бойынша, өткен жылы 318 ата-ана екпеден бас тартқан. Жұртты вакцинадан шошытып отырған мәселенің бірі-екпенің сапасына деген сенімсіздік. Егуден соң бала сал болып қалуы мүмкін деген алыпқашпа әңгімелер. Жиынды ұйымдастырушылар ата-аналардың бұл пікірлерін теріске шығарып, керісінше екпе салынбаса, балалар арасында түрлі індеттің таралуының артатындығын алға тартуда.  

Ата-аналардың екпеден бас тартуына тағы екі үлкен себеп: діни жат ағымдар мен  ғаламтор. Діни наным-сенім негізінде бас тартқандар, екпе баланың науқастануына немесе денсаулығына кінәрат келтіреді деп ойлайды. Сондай-ақ, интернет желісіндегі «екпенің қаупі» жөнінде еш дәлелсіз келтірілген болжамдар мен үгіт-насихаттар да кері әсерін тигізуде. 

Қазақстанда балаға салынатын екпелер сәбиді болашақта 21 түрлі аурудан қорғайды. Сондықтан, дәрігерлер біздегі екпені әлемдегі ең пайдалы әрі сапалы екенін айтып, ата-аналарды балаларының денсаулығына немқұрайлы қарамауға шақырады. Айта кетерлігі, осындай жиындарға екпеден бас тартқан ата-аналардың қатыспауы  өзекті мәселе болып отыр. 

Гүлмира Аманбаева

Тақырып бойынша материалдар

МАЛ ШАРУАШЫЛЫҒЫН ДАМЫТУ – БАСТЫ БАҒЫТ!
19:10, 20 шілде 2018
МАЛ ШАРУАШЫЛЫҒЫН ДАМЫТУ – БАСТЫ БАҒЫТ!
Толығырақ...
ӘЛЕУМЕТТІК ЖҰМЫС ОРНЫ. ЕКІ ҚОЛҒА БІР КҮРЕК!
19:10, 20 шілде 2018
ӘЛЕУМЕТТІК ЖҰМЫС ОРНЫ. ЕКІ ҚОЛҒА БІР КҮРЕК!
Толығырақ...

Танымал жаңалықтар