ОБЛЫС ӘКІМІ «FORTEBANK» ФИЛИАЛЫНЫҢ ЖАҢА КЕҢСЕСІН АШТЫ

Ақмола облысында «Форте банк» филиалының жаңа кеңсесі ашылды. Өңір тұрғындары енді заманауи ғимаратта банк қызметін пайдалана алады.

22:41, 19 мамыр 2017   258

Ақмола облысында «Форте банк» филиалының жаңа кеңсесі ашылды. Өңір тұрғындары енді заманауи ғимаратта банк қызметін пайдалана алады. Жаңа офистің ашылу салтанатына облыс әкімі Мәлік Мырзалин мен банктің басқарма төрағасы Мағжан Әуезов қатысты. Сондай-ақ, шара аясында қос тарап өзара ынтымақтастық туралы келісімге қол қойды. Қазіргі күні Ақмола облысында 1800-ге жуық компания мен 30 мыңға жуық жеке тұлға «Форте банктің» клиенттері болып табылады. Олар қаржы институтының қызметін бірнеше бағыт бойынша белсенді түрде қолданып келеді. Бүгінде облыс аумағындағы банктің үш бөлімшесі жұмыс істеп тұр. Олардың екеуі Көкшетау қаласында, тағы біреуі Бурабай ауданында. Жаңа ғимарат заманауи банктік қызмет көрсету стандарттарына сәйкес келеді. Бастысы, жеке және заңды тұлғаларға ыңғайлы болуына мән берілген. Бұл - банк стратегиясының басым бағыттарының бірі. Қазіргі таңда мекеме Ақмола облысындағы шағын және орта кәсіп субъектілері мен туризм саласын несилендіруді белсенді түрде қолға алған. Мәселен, банк филиалы бүгінге дейін өңірдің туризм саласындағы жобаларға 6,6 млрд. теңгеге дейін қаржы бөлген.Салтанатты шара аясында Ақмола облысының әкімі мен банктің басқарма төрағасы өзара ынтымақтастық туралы келісімге қол қойды. Енді екі тарап кәсіпкерлік пен туризм саласын дамытуда бірлесе қызмет атқармақ. Айта кетерлігі, жаңа форматтағы мұндай кеңселер осыған дейін Алматы, Астана, Шымкент қалаларында ашылған.

 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75