ШҰҒЫЛ! ЕЛИЗАВЕТА СИНЕЛЬНИКОВА - ДЖИУ-ДЖИТСУДАН ӘЛЕМ ЧЕМПИОНЫ Толығырақ

ПРЕЗИДЕНТ ЖОЛДАУЫ. СОТ ЖҮЙЕСІ - ХАЛЫҚ МҮДДЕСІНІҢ ҚОРҒАНЫ

15:51, 8 қараша 2019


Сот және құқық қорғау жүйесіндегі күрделі реформалар – азаматтарымыздың құқықтарын қорғаудың және олардың қауіпсіздігін күшейтудің негізгі факторы. Ел Президенті Қасым-Жомарт Тоқаевтың Қазақстан халқына Жолдауында айтылған бұл  реформаларды жүзеге асыру барысы Парламент пен қоғам арасында кеңінен талқылануда. Құқықтық жүйедегі жаңалықтар нені көздейді? Осы және өзге де сауалдарға ақмолалық судьялар пікір бөлісті.  

Мемлекет басшысы ұсынған сот саласындағы реформалар үш негізгі бағытта атқарылмақ. Оның біріншісі сот шешімдерінің негіздемесі мен сапасын арттыру. Екіншіден, сот тәжірибесінің бірізділігін қамтамасыз ету көзделген. Бұл англо-саксондық сот тәжірибесінде кең қолданылатын әлемдік үрдіс. Үшінші бағыт әкімшілік органдармен орын алған дау-дамайларда тұрғындар мен бизнестің мүддесін қорғау.

БАУЫРЖАН ӘЛЖАНОВ, ҚАЛАЛЫҚ МАМАНДАНДЫРЫЛҒАН ӘКІМШІЛІК СОТЫНЫҢ ТӨРАҒАСЫ

10 қыркүйек күні Парламет Мәжілісінде Президент ұсынған тың бастамаларды әкімшілік кодекске енгізу жобасы ұсынылды. Бірқатар өзекті мәселелер көтеріліп отыр. Мысалы, мемлекеттік аппарат құрлымдары мен қарапайым жеке және заңды тұлғалардың мүмкіндіктері тең емес. Жоба билік өкілдерімен соттасқан жеке және заңды тұлғалардың мүддесін қорғауды қамтамасыз етуге бағытталған.  

Мұндай сот отырыстарында әкімшілік әділет құрылымдары іске араласады. Сондай-ақ, екіұдай жағдайларда судьяларға қосымша айғақ талап ету құқығы берілмек. Бұдан бөлек, заңнамадағы барлық қарама-қайшылықтар мен дүдәмал тұстар азаматтардың мүдделерін ескере отырып, түсіндірілуі тиіс.

МЕЙІРБЕК БАЙГЕЛОВ, МАМАНДАНДЫРЫЛҒАН АУДАНАРАЛЫҚ ЭКОНОМИКАЛЫҚ СОТЫНЫҢ ТӨРАҒАСЫ

2019 жылдың өткен 10 айында мамандандырылған ауданаралық экономикалық сотына 4492 арыз келіп түскен. Бүгінгі таңда 4085 азаматтық іс қарастырылып, 3037 сот шешімі шықты. Сондай-ақ, біздің мамандар екі тарапты бітімге шақыруды жемісті жүзеге асырып келеді. Осылайша 192 іс бойынша азаматтар өзара келісімге келіп,  дау шешімін тапқан.

Аталмыш медиация тетігі дауласқан тараптардың екеуіне де ортақ шешім ұсынып, істі сотқа жеткізбей шешуге мүмкіндік ұсынады. Бұл да қазақстандық сот жүйесінің ел азаматтарының мүддесіне бағытталғанын аңғартады. Ал, Жолдау жүктеген жаңа міндеттер сот жүйесіндегі әділдік таразысын бекемдей түспек.

АУҒАНБЕК МАНАРБЕКҰЛЫ, ВАСИЛИЙ ВЕРЕЖНИКОВ.  РҮСТЕМ ЕРМЕКОВ. «КӨКШЕ АҚПАРАТ».

Тақырып бойынша материалдар

БАЛАБАҚША ИННОВАЦИЯЛЫҚ ТЕХНОЛОГИЯМЕН ЖАБДЫҚТАЛДЫ
16:59, 13 қараша 2019
БАЛАБАҚША ИННОВАЦИЯЛЫҚ ТЕХНОЛОГИЯМЕН ЖАБДЫҚТАЛДЫ
Толығырақ...
КАРТОП ПЕН КӨКӨНІС АЛҚАБЫ ҰЛҒАЙТЫЛМАҚ
16:17, 13 қараша 2019
КАРТОП ПЕН КӨКӨНІС АЛҚАБЫ ҰЛҒАЙТЫЛМАҚ
Толығырақ...
БАСКЕТБОЛДАН ҚАЗАҚСТАН ЧЕМПИОНАТЫ ӨТЕДІ
16:15, 13 қараша 2019
БАСКЕТБОЛДАН ҚАЗАҚСТАН ЧЕМПИОНАТЫ ӨТЕДІ
Толығырақ...

Танымал жаңалықтар

БАЛАҢНЫҢ ТӘРБИЕСІН ОЙЛАСАҢ, ӨЗІҢДІ ТҮЗЕ!
17:36, 12 қараша 2019
БАЛАҢНЫҢ ТӘРБИЕСІН ОЙЛАСАҢ, ӨЗІҢДІ ТҮЗЕ!
Толығырақ...
 «ТУҒАН ЖЕРІМ – ҚАЗАҚСТАНЫМ» ПОЭЗИЯ БАЙҚАУЫ
17:20, 7 қараша 2019
«ТУҒАН ЖЕРІМ – ҚАЗАҚСТАНЫМ» ПОЭЗИЯ БАЙҚАУЫ
Толығырақ...