ШҰҒЫЛ! ҚАУІПСІЗДІК КҮШЕЙТІЛДІ Толығырақ

ТІЛ ЖАНАШЫРЛАРЫ БАС ҚОСТЫ

16:26, 29 қараша 2019

 


Көкшетау қалалық тілдерді оқыту орталығында «Тілді оқытуға – жаңаша көзқарас» деген атаумен облыстық семинар-кеңес өтіп, тіл жанашырлары бас қосты. Жиында тілдерді оқыту орталықтарының жұмыстары сараланып, қызметкерлер өзара тәжірибелерімен бөлісті.

Бүгінде Ақмола облысы бойынша 18 тілдерді оқыту орталығы жұмыс істейді. Семинарға облыстық және аудан орталықтарының басшылары мен оқытушылары қатысып, латын графикасына негізделген қазақ тілін дәріптеудегі атқарылған жұмыстар сарапқа салынды. Соңғы 2 айда тілді үйретуге арналған 257 шара ұйымдастырылып, 5 мыңға тарта тыңдаушыға жаңа қазақ әліпбиі насихатталған. Бүгінге дейін жаңа қазақ әліпбиінің 14 нұсқасы әзірленіп, оның тек 4-і қабылдаудан өтті.

ҚАРАТАЙ ТӨЛЕКЕЕВ, АҚМОЛА ОБЛЫСТЫҚ ОҚЫТУ-ӘДІСТЕМЕЛІК ОРТАЛЫҒЫНЫҢ ДИРЕКТОРЫ (қаз)

Бүгінгі тақырыбымыз – «Тілді оқытуға – жаңаша көзқарас». Бұның ішіне мемлкеттік тілді оқытатын жаңа инновациялық тәсілдер, сонымен қатар латын графикасының болашақтағы жағдайы, қалай оқытамыз? Қалай үйретеміз? Оның үстіне қазір латын графикасы ауысып, төртінші рет ауысайын деп жатыр. Соның жаңа 4 нұсқасы бар. Соған да талқылау жүріп жатыр. Соған өзіміздің үлесімізді қосып, ұсынысымызды береміз.

Жиын барысында тіл мамандары өзара тәжірибелерімен бөлісті. Тілді оқытудың әдіс тәсілдерін ортаға салып, орталық қызметкерлері баяндама жасады. Ақмола облыстық оқу-әдістемелік орталығының мамандары «Қазтест» жүйесінің жаңа форматын таныстырды. Енді тілді оқыту курстарының оқытушылары мен мемлекеттік қызметкерлер жеңілдетілген «Қазтест» жүйесі бойынша сынақтан өтпек. Семинарға келген әр қатысушы мемлкеттік тілдің дамуына  үлес қосуды көздейді.

КАБАР ҚАЙЫРЫМ, СТЕПНОГОРСК ҚАЛАЛЫҚ ОҚЫТУ-ӘДІСТЕМЕЛІК ОРТАЛЫҒЫНЫҢ ДИРЕКТОРЫ (ҚАЗ)

Әр адам мен мемлекеттік тілдің дамуына қандай үлес қостым деген қағидадан келу керек. Ал жоғарыдан берілген тапсырма я болмаса көптеген бағдарламалардың жұмыс істеуі ол халыфқтың қолдауымен я болмаса жоғарыдан берілген тапсырмамен әрекетімен ол жеткіліксіз болып табылады. Тілді дамыту үшін жан-жақты әрекет етуіміз керек. Ол үшін санамызда қалыптасқан бұрыңғы көзқарастан арылуымыз керек.

Семинар одан әрі оқыушыларға әдістемелік көмек көрсету және іс-тәжірибелерімен бөлісу мақсатында түрлі ашық сабақтарға және тренингтарға ұласты.

ТҰМАРЫМ БАБАСАНОВА, БАУЫРЖАН СМАҒҰЛОВ «КӨКШЕ-АҚПАРАТ»

 

Тақырып бойынша материалдар

 ӨҢІРДІҢ БІРҚАТАР АУДАНДАРЫН СУ  БАСУ  ҚАУПІ  ЖОҒАРЫ
20:22, 19 ақпан 2020
ӨҢІРДІҢ БІРҚАТАР АУДАНДАРЫН СУ БАСУ ҚАУПІ ЖОҒАРЫ
Толығырақ...
«РУХАНИ ЖАҢҒЫРУ» БАҒДАРЛАМАСЫНЫҢ ЖҮЗЕГЕ АСУЫ
17:45, 19 ақпан 2020
«РУХАНИ ЖАҢҒЫРУ» БАҒДАРЛАМАСЫНЫҢ ЖҮЗЕГЕ АСУЫ
Толығырақ...

Танымал жаңалықтар

«KÓKSHE» ТЕЛЕАРНАСЫНА ЖАҢА ДИРЕКТОР ТАҒАЙЫНДАЛДЫ ​​
18:51, 13 ақпан 2020
«KÓKSHE» ТЕЛЕАРНАСЫНА ЖАҢА ДИРЕКТОР ТАҒАЙЫНДАЛДЫ ​​
Толығырақ...