ТОПАН СУДЫҢ ЗАРДАБЫ ӨТЕЛЕДІ

Ақмола облысында тасқын судың зардабын әсіресе, Атбасар ауданының тұрғындары тартып отыр. Алдын-алу жұмыстары қыс айларында қолға алынғанына қарамастан, Жабай өзенінің шекті көрсеткіші 6 метрден асқан. Топан су салданынан зардап шеккен өңір тұрғындарымен әріптесім Ауғанбек Манарбекұлы сұхбаттасып қайтты.

21:35, 19 сәуір 2017   303

Ақмола облысында тасқын судың зардабын әсіресе, Атбасар ауданының тұрғындары тартып отыр. Алдын-алу жұмыстары қыс айларында қолға алынғанына қарамастан, Жабай өзенінің шекті көрсеткіші 6 метрден асқан. Топан су салданынан зардап шеккен өңір тұрғындарымен әріптесім Ауғанбек Манарбекұлы сұхбаттасып қайтты.

Алдын-алу шараларының негізгі бөлігі 2016 жылдың көктемінде төселген топырақ үйіндісін бекітуге бағытталыпты. Анығында, бұл құрылыс толыққанды су бөгені емес. Алғашқыда су тасқыны қаупіне орай төселген үйіндіге кейін қосымша бекіту жұмыстары жүргізілген. Соған қарамастан нысан топан су 5 метрге жуықтағанша төтеп берген. Алайда, өзен деңгейі әдеттегіден үш есе артқанда су елді мекенге беттеген.

Аудандағы жағдайды халық қаулылары да жіті бақылап отыр. Облыстық мәслихаттың хатшысы Дулат Нұрмолдин өңір тұрғындарының уақытша орналастыру бекеттеріндегі жағдайымен танысып, су басқан көшелерді аралады.

Қазір аудандық су тасқынымен күрес штабы азаматтардан зардап шеккен үй-жайлары туралы құжат қабылдай бастады. Әр мекенжай бойынша келтірілген залал көлемі анықталып, азаматтардың толық материалдық шығынын өтеу жоспарланған. Аудандық су тасқынымен күрес штабында құжаттарды қабылдау жүргізілуде. Алғашқы күннің өзінде азаматтардан 80-нен астам құжат қабылданды. Материалдық шығын өтемі  заңнама аясында белгіленген. Яғни сараптама қорытындысына сәйкес материалдық шығын толық өтелетін болады. 

Атбасарда тасқын судан барлығы 269 үй жапа шеккен. Бүгінгі таңда оның 71-і қызыл судан арылды. Билік өкілдері азаматтарға келтірілген материалдық шығын көлемі толықтай өтелетінін айтып отыр.

Ауғанбек Манарбекұлы, Арман Балбергенов

 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75