Таэквондошылар турнирі тартысты өтті

Ақмола облысы таэквондошыларының осы жолғы жарысы Наурыз мерекесіне арналды.

19:05, 18 наурыз 2017   330

Ақмола облысы таэквондошыларының осы жолғы жарысы Наурыз мерекесіне арналды. 4 және 17 жас аралығындағы ұл-қыздар шығыс жекпе-жегі өнерінің өзіндік қыр-сырларын терең меңгеріп келе жатқандықтарын көрсетті. 

Көкшетау қаласында осыдан үш жыл бұрын таэквондоның тілін терең меңгерген Темірлан Қарқожанов спорттың осынау түрін дамытуды қолға алған болатын. Қысқа мерзімде білікті бапкер шығыс жекпе-жегі өнерінің өрісін кеңейтіп, талай талантты шәкірттерді тәрбиелеп шығарды.  Наурыз меркесіне арналған турнирге 70-ке жуық үміткер қатысып, күш сынасты.

Татамиде түрлі-түсті белбеу иелері өнер көрсетті. Олардың арасында таэквондоның техникасын әжептәуір меңгеріп қалған өрендер де бар.

Облыстық жарыста жеңімпаз және жүлдегер атанған бірнеше жерлесіміз Наурыз мейрамы күндері Ақтөбе қаласында өтетін халықаралық турнирге қатысады.

 

Қалымбек Мұхамеджанов, Сабырбек Құлатайұлы

 

 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75