БАБАЛАР ІЗІМЕН, АТАЛАР ЖОЛЫМЕН...

Тарихи-этнографиялық экспедицияның басты мақсаты өткеннен тағылым алу.

19:20, 17 шілде 2017   46

Тарихи-этнографиялық экспедицияның басты мақсаты өткеннен тағылым алу. Сол арқылы ұлттың рухани байлығын арттырып, сананы жаңғырту. «Туған жер» бағдарламасы аясында құрылған экспедиция мүшелері тарихта өткен қасиетті ата-бабалар әруағына тағзым етіп, олардың игілікті істерін еске алды.

 «Елдіктің бастауы – ерліктің дастаны» атты экспедиция мүшелері Ерейментау өңіріндегі ертедегі сақ дәуірінің қорғандары мен түркі бабалардан қалған «Қос батыр» балбал тастарды аралады. Сондай-ақ «Ерлік ғасыры» атанған кешегі жаугершілік заманда, «Қазақтың қамал қорғаны» болған қанжығалы қарт Бөгенбай батыр, Үмбетей жырау, Саққұлақ би мен Олжабай батыр, дала абыздары Тоқмағанбет мазарының басында болды.

Экспедиция барысындағы жинақталған материалдар болашақта жүйеленіп, жаңа ғылыми зерттеулермен тереңдетіліп зерттелетін болады. Сондай-ақ өлкетану жұмыстарының нәтижесінде тарихи киелі жерлерді қамтитын кешенді-туристік маршрут қалыптастыру мүмкіндіктері қарастырылмақ.

Ерболат Серікбай 

«Қазақстан-Көкшетау» телеарнасының ресми сайты

020000, Ақмола облысы, Көкшетау қаласы, Куйбышев көшесі, 19 үй Байланыс телефондары: 8 (716 2) 40-13-75